Şûbeyê Komeleya Heqanê Merdiman (ÎHD) yê Dêrsimî raporê binpaykerdişanê heqan ê 2024î eşkera kerd. Kombîyayîşo ke banê komele de ame kerdene Endamê Heyetê Rayberdişî yê ÎHDyî yê Dêrsimî Huseyîn Yaşar Sezgin qisey kerd.

Sezgînî ard ziwan ke serra 2024î de sey xeylê cografyayan Dêrsim de zî binpaykerdişanê heqan ê komelkî, bêedaletîye û caardişanê teberê huqûqî dewam kerd û na rewşe verê heme rêxistinanê komelê sîvîlî girewt.

Rapor de ca dîya binpaykerdişanê heqan ê sey bêseyyewbînîyeya cînsî ya komelkî, rijnayîşo ekolojîk, cînayetê karî, şîdetê polîsan, polîtîkayê xespî, cînayetê vera cinîyan û domanan, qedexeyê çalakî-aktîvîte,astengkerdişê vera rojnamegeran,tehdîtê ajankerdişî, bi metodanê zext-tehdîtî îfadegirewtiş, destbendkerdiş, tepiştiş, zextê vera tepişteyan, qedexeyê festîvalan û xeylê binpaykerdişanê heqan ê bînan.