Şubeyanê OHD û ÎHDyî û Baroyê Riha ''Raporê Tepişteyan'' pare kerd û da zanayene ke înfazê 17 tepişteyan ameyo astengkerdene û 34 tepişteyî zî ameyê surgunkerdene.
Şubeyanê OHD û ÎHDyî û Baroyê Riha ''Raporê Tepişteyan'' bi kombîyayîşê çapemenîye eşkera kerd.
Serekê Baroyê Riha Abdullah Oncelî eşkerayîye wende û dîyar kerd ke vera tepişteyan xeylêk binpaykerdişê heqan est ê û vat: ''Kapasîteya Zîndanê Tîpê Tyî yê Riha 680 kesan gêna la tede hezar tepişteyî est ê. Zîndanê T-1î yê Riha de hezar û 666 tepişteyî est ê. Na zêdetîya hûmaran bena sebebê nêweşîyan.
Tehlîyeyê tepişteyanê Zîndanê Tîpê Tyî yê Riha Nûrûllah Tutal, Mustafa Mak, Sûat Berlîk, Hakan Ergûn, Cîhat Osman, Muhammed, Ehmed Îsa, Şeracettîn Yuksekbag, Ahmet Yilmaz, Enver Kanmaz, Serhat Bulut, Yilmaz Rûzgar, Îrfan Kiper, Suleyman Devîren, Îsmaîl Hakkî Tursun, Hîdayet Dûger û Îsmaîl Kaplanî ameyî astengkerdene. 34 tepişteyî zî surgunê zîndananê bînan ameyî kerdene.
Zîndananê Riha de xeylêk tepişteyê astengdarî est ê. Tepişteyê astengdarî nêeşkenê bi sereyê xo cuya xo îdame bikerê. Coka ganî nê tepişteyî cade vera bidîyê.''
