Komeleya Huqûqnasanê Seba Azadîye (OHD û Federasyonê Komeleyanê Huqûq û Paştdayîşî yê Keyeyanê Tepişteyan û Hukmwerdetan ê Medî (MED TUHAD FEDî raporê binpaykerdişê heqan ê tepişteyan o ke pîya amede kerdo eşkera kerd.

Kombîyayîşo ke banê OHDyî yê Amedî ame kerdene hemserekê pêroyî, îdarekar û endamê wird dezgehan tewrê ci bîyî.

Qismê netîce û waştişan ê raporî wina yo:

''-Prosesê janê Korona sey bahane yeno şuxulnayene û heme heqê esasî yê tepişteyan yenê binpaykerdene û tecrîd yeno xorîkerdene.

-Pîya bi huqûqê zereyî qanûnê mîyanneteweyî zî yenê binpaykerdene. Îdare û personelê zîndanan ganî cade caardiş û çalakîyanê xo yê bêhuqûqan biqedenê û berpirsîyarîya xo ya pozîtîfe bîyare ca.

-Tepişteyê ke herêmanê dûran rê yenê surgunkerdene ganî verî zîndanê nêzdîyan ê keyeyanê înan de bêrê cakerdene û heqê telefonî zafêr bêro şuxulnayene. Tewr tay her keso ke lîsteyê telofonî de yo înan dir pêvînayîş bêro kerdene.

- Rîyê janê Korona ra pêvînayîşanê akerdeyî ameyî vindarnayene û vera wextê 40 deqayan ê nê pêvînayîşî  10 deqa heqê telefonî esto û no heq zî têna kesê ke lîsteyê telefonî de nameyê înan esto pê înan sinordar o. No binpaykerdişê heqê hurmetî yê keyeyî û cuya taybete yê tepişteyan o. Pêvînayîşanê qefilnayene de zî hûmara zîyaretkeran ameya wardayene. Ganî nê neheqîye cade bêrê qedînayene.

-Ganî sînorkeridşê kitataban û qedexekerdişê kovare û rojnameyan ê ke tepişteyî xeyrê înan dinya ra benê xeberdar cade werte ra bêro wedaritene.

-Ganî  înfazê tepişteyanê nêweşan ê giranan  cade bêro vindarnayene.

-Sere de kelemçeyê çute û muayeno kelemçeyin ganî heme bêhuqûqîye vera resnayîşê weşîye bêrê caverdayene.

-Ganî caardişê heyetê çimdarî yo ke derheqê verdayîşê tepişteyan de keyfî qerar geno bêro wedaritene.''