'Rayraşîyayîşê Îradeyî rê Hurmet'î yo ke DEM Partî vera destsernayîşê Şaredarîya Colemêrgî da desptêkerdene, roja 8. de dewam keno.

Hemsereka Pêroyî ya DEM Partî Tulaye Hatimogullari roja 8. de tewrê rayraşîyayîşî bîyî û Geîlay Zapî de qisyekerdişêk kerd.

Tulaye Hatimogullari vat: ''Ma pê nê rayraşîyayîşê ke vera qeyûmî dayo destpêkerdene  wazenê ke wa îradeyê ma rê, heqê ma yê weçînayîş û weçînitişî, qanûn û qanûnê bingeyî rê wa hurmet bêro kerdene. Çi heyf ke zîhnîyeto qeyûmî nê nas nêkeno û qeyûm ca keno. Vera zîhnîyetê ke darbeya sîyasîye keno her ca de çalakîyê ma dewam kenê. Ma her hetê Kurdîstan û Tirkîya ra seba ke îradeyê ma rê hurmet bêro kerdene, rayra şinê. Weçînayoxan û çîyo ke sindoqî ra vejîyo ci rê hurmet bikerê û hemserekanê meclîsî nas bikerê.''