Ewro bi wesîleya rojbîyayîşê 75inî yê Rayberê Şarê Kurdî Abdullah Ocalanî ver bi dewa ci Amara ya qezaya Xelfetî ya Riha rayraşîyayîş ame kerdene.

Rayraşîyayîş hetê Kongreya Komelê Demokratîkî (KCD), Têgêrayîşê Cinîyan ê Azadan (TJA), Federasyonê Komeleyanê Huqûqî û Paştdayîşê bi Tepişte û Hukmwerdeyan ê MEDî (MED TUHAD FED), DBP û DEM Partî ra bi şîarê 'Seba Azadîye Ver bi Amara' ame serûberkerdene.

Girse eşkerayîye ra dima rixmê astengkerdişan zî taxa Alîgorî ya Pirsûsî ra kewt rayîr. Xelfetî de şar derbazê bînaya DEM Partî bi. Seba ke Amara hetê leşkeranê tirkan ra gêrîyaye binê ablûqa Xelfetî de rayraşîyayîş vurîya kombîyayîşê şarî.

Tîya de nuşteyê Rayberê Şarê Kurdî ameyî wendene. Şarî zî qalê ci kerd ke ganî seba azadîya Ocalanî çita bêro kerdene.

Aktîvîte bi sloganê ''Bê Serok jiyan nabe'' qedîyaye.