Rayraşîyîşê Azadîye yo ke semedê azadîya fîzîkîye ya Rayberê Şarê Kurdî Abdullah Ocalanî hetê ciwananê kurdan û enternasyonalîstan ra bajarê Dortmunî yê Almanya de dîya destpêkerdene, roja pancene de vizêr Koln Mulheim de qêdîya.

Badê rayraşîyaşî çalakwanan ra Sinan Tolhildanî qisey kerd. Tolhilanî ard ziwan ke semedê azadîya Abdullah Ocalanî ê bi ruhê seferberîye kuçeyanê Almanya de yê û nê vatî: ''Ma 30 aşmî yo Rayber Apoyî ra xebere nêgênê. Rixmo ke heme dewletê hegemonî naye ra xeberdar ê hema gamêke nêameya eştene. Ma do vera na bêvengîye tim kuçeyan de bê. Çalakîya ma ewro tîya qedîyena la têkoşînê ma dewam keno. Ko, bajar, metropol ça beno wa bibo her ca do semedê ma bibo warê têkoşîn û xoverdayîşî.''

Andrea Wolfa ke bi nameyê Komunanê Ciwananê Enternasyonalîstan qisey kerd, nê vatî: ''Ganî ma semedê azadîya fîzîkîye ya Rayber Apoyî têkoşînî rê dewam bikerê û vera polîtîkayanê çînkerdişî yê dewleta tirke xover bidê. Reyna ganî sere de Almanya dirîyîya heme dewletan bêro vînayene. Ma do têkoşînê xo xurtêr bikerê.

Badê qiseykerdişan ciwanan sloganê sey   ''Bijî Serok Apo'', ''Bijî berxwedana gerîla'', ''Ma ciwan dest pêkerd ma do ciwan ser bikewê '' û ''Jin jiyan azadî'' vatî û govende girewte.