Rayraşîyayîşo ke ciwananê kurdan û enternasyonalîstan seba azadîya Rayberê Şarê Kurdî Abdullah Ocalanî dabi destpêkerdene roja 5. de yo. Ciwanan vat: Ma PKKyî ra xoverdayîşî mûsayî û heta azadîya Rayber Apo û Kurdîstanî no xoverdayîş bêro domnayene.

'Rayraşîyayîşê Azadîye' yo ke hetê nizdê 240 ciwananê kurdan û enternasyonalîstan ra semedê azadîya fîzîkîye ya Rayberê Şarê Kurdî Abdullah Ocalanî ame organîzekerdene, roja 5. de dewam keno. 

Ewro verê rayraşîyayîşî hêrişê dewleta tirke yê bi çekanê qedexeyan ê vera gerîlayan ameyî şermezarkerdene. Ciwananê ke tûlûmê kerdî piray bi duyê çeqerî yo ke çekanê kîmyewîyan temsîl keno çalkîyêke kerde. Ciwanan barê çalakîye bale eştê hêrişê dewleta tirke yê vera canazaynê gerîlayan ser.

Ciwanan bi eşkerayîyêke kurdkî hêrişê vera gerîlayan, cenazaya û şarê kurdî şermezar kerdî û vat: ''Ma PKKyî ra xoverdayîşî mûsayî û heta azadîya Rayber Apo û Kurdîstanî no xoverdayîş do dewam bikero.''

Ciwanî ewro do 15 kîlometre rayra şirê û  şan Merkezê Komelê Demokratîkî yê yê Kurdan ê Mulheimî de programêkî de bêrê têhet û bi eşkerayîyêke çalakîya xo biqedinê.