'Rayraşîyayîşê Azadîye' yo ke hetê nizdê 240 ciwananê kurdan û enternasyonalîstan ra semedê azadîya fîzîkîye ya Rayberê Şarê Kurdî Abdullah Ocalanî ame organîzekerdene, vizêr roja 4. de dewam kerd.

Ciwanî roja 4. de şaristanê Neussî ra heta Dusseldorfî şîyî.

Ciwanan rayraşîyayîş de seba azadîya Rayberê Şarê Kurdî Abdullah Ocalanî û azadîya Kurdîstanî sloganî vatî û xoverdayîşê gerîlayan selam kerd. Ciwanan vilawekî vila kerdî û vilawekan de bale ante tecrîdê Îmraliyî ser. Çalakîkeran dima govende girewte. 

Ciwanan dima Merkezê Komelê Kurdan ê Demokratîkî de seba gerîla Berxwedan Çîyager merasîmê yadkerdişî viraşt.

Rayraşîyayîşê Azadîye ewro do Kolnî ra heta Mulheimî şorê û çalakîya xo biqedînê.