Rayraşîyayîlo Dergo ke bi wesîleya serrgêra Kopmloyê Mîyannetweyî yê vera Rayberê Şarê Kurdî Abdullah Ocalanî têgêrayîşê ciwanan ê kurdan ra bajarê Sierentzî yê Fransa de dîya destpêkerdene roja pancene de ver bi Strasbourgî dewam keno.

Rayraşîyayîşê ke roja çarine xo dima verdayî rê zaf eleqeya firansizan esta. Roja pancene de rayraşîyayîş Sélestat de saete 10.00 de dîya destpêkerdene. Ciwanî bi pankart û yeleganê ke ser o nuteyê azadîya Abdullah Ocalanî estê rayra şinê. Çalakwanî rayîrî ser o derheqê azadîya Abdullah Ocalanî de vilawekan zî vila kenê û semedê wedaritişê qedexeyê serê PKKyî îmzayan arê danê. Çalakîye ewrodo bajarê Ersteinî de biqedîyo.