Partîya Demokrasîyî û Têduştîye ya Şaran (DEM Parti) vera destsernayîşê Şaredarîya Colemêrgî 'Rayraşîyayîşê Îradeyî rê Hurmet'  organîze kerd. Rayraşîyayîşo ke Îstanbulî ra ver bi Colemêrgî yeno kerdene, dest pêkerd. Îstanbul û Îzmîrî ra xeylêk kesê ke  kewtî rayîr do Anqara de bêrê têhet.

Îstanbul

Wekîlê Îstanbulî Çiçeke Otlu, Cengiz Çiçek û Ali Bozan zî tede xeylêk kesî saetanê serê sibayî de verê Rêxistina DEM Partî ya Kadikoyî de ameyî têhet. Verê destpêkerdişê rayraşîyayîşî tîya eşkerayîye ameye dayene. Eşkerayîye de ame vatene ke vera rejîmê qeyûmî yê AKPyî têkoşîn yeno xurtkerdene. Dima ra 10 kesan ra grûbêke bi slogananê “Bijî berxwedana Colemêrg”  kewte rayîr. Her bajar de do kesê bînî tewrê rayraşîyayîşî bibê.

Îzmîr

Îzmîr de zî raywanê Colemêrgî verê Temsîlkarîya DBPyî de ameyî têhet.  Hemsereka DEM Partî ya Îzmîrî Vezane Karabulut, Hemsereka DEM Partî ya Mugla Neslişahe Çetinkaya, Wekîla Îzmîrî Burcugul Çubuk  zî tede xeylêk kesan pankartê ''Şaredarîye yê ma yê, qeyûmî rê nê'' akerd û slogana "Bijî berxwedana Colemêrg" vate. Hemserekê DEM Partî yê Îzmîrî Mehmet Kuruşî ke tîya qisey kerd, vat ganî verê têkoşînê qerardarî yê şarî  îqtîdar peyser game bierzo. Badê eşkerayîye raywanî bi çepik û tîlîlîyan kewtî  rayîr.