Hêzanê Kede, Haştîye û Demokrasîyî vera destsernayîşê Şaredarîya Colemêrgî Meydanê Kartalî de bi şîarê Ma semedê kede û azadîya xo destûr nêdanê qeyûmî mîtîng viraşt.

Mîtng de metnê çapemenîye hetê Gunnu Ertaş ra ame wendene. Eşkerayîye de destsernayîşê îradeyê şarê Colemêrgî ame şermezarkerdene û semedê xurtkerdişê têkoşînê yewbîyayeyî ame vengdayene.

Tepişteyê  ke hetê îqtîdarê AKP-MHPyî ameyî rehîngirewtene înan ra Hemsereka Pêroyî ya HDPyî ya verêne Figene Yuksekdag,tepişteyanê Dewaya Gazî ra Can Atalay û tepişteyê ke  rîyê çalakîya 1ê Gulane ra ameyî tepiştene mesaj şawit mîtîngî Îstanbulî û semedê xurkerdişê têkoşînê şaran veng da.

Hemşaredarê Colêmerdî Mehmet Siddik Akişo ke sey rehînî yeno tepiştene mesaj şawit û wina vat: ''Bedelê ci  çi beno wa bibo ma do sozê haştîye,  wayubiratîye û azadîye yo ke dayo şarê xo, ma do bîyarê ca.''

Hemşaredara Colemêrgî Vîyane Tekçe zî qiseykerdişê xo de vatî:  ''Têkoşînê kurdan tim binê hêrişan de yo. Îqtîdarê  AKP-MHPyî bi qeyûman keno ke  Planê Islahat Şarkî bido domnayene. Vera heme hêrişan  ''Berxwedan jiyane''  slogana têkoşînê ma yê azadîye  ya.''

 Badê qiseykerdişan mîtîng bi deyîranê Onur Akin, Adalilar û Arhatî qedîyaye.