Rayraşîyayîşo Derg o ke 21ê çeleyî de çarçewaya hemleya ''Rayber Apoyî rê Azadîye, Meseleya Kurdan rê Çareserîya Sîyasîye'' de  bajarê Lorientî yê Fransa de ame destpêkerdene roja 3. de bajarê Nantesî yê Franse de dewam kerd.

Heyetê dîplomasîyî temsîlkaranê partîyanê sîyasîyan reyde pêvînayîş kerd û bale ante tecrîdê serê Rayber Apoyî yê 26 serran ser.

Dima ra çalakwananMeydanê Nantes Place Commerce de eşkerayîye daye. Çalakwanan semedê tewrbîyayîşê rayraşîyayîşê 26 rojan û rayraşîyayîşê girdî û mîtîngê 15ê sibate veng da.

Badê eşkerayîye rayraşîyayîşî dest pêkerd. Çalakwanan derheqê sîstemê tecrîd û qirkerdişî de vilawekî vila kerdî.