Raywananê Azadîye yê ke seba azadîya Rayberê Şarê Kurdî Abdullah Ocalanî û çareserîya meseleya kurdan Almanya, Fransa û Swîsre ra kewtbî rayî Strasbourg de kom bîyî û ver bi Konseya Ewropa şîyî.
22yê çeleyî de Fransa de Rayraşîyayîşê Parisî, 11ê sibate de Baselê Swîsre de de Rayraşîyayîşê Enternasyonalîstan û 9ê sibate de zî Mannheimê Swîsre de Raywanîya Azadîye dîyabî destpêkerdene. Ewro pêro raywanî şaristanê Strasbourgî yê Fransa de ameyî pêser.
Raywanan seba şermezarkerdişê komployî ewro roje girewt.
Dima raywanan pîya şaristan de rayraşîyayîşêko bicoş kerd.
Ciwanan seba şermezarkerdişê tecrîd û komployî ver bi bînaya Konseya Ewropa (KE) rayraşîyayîş kerd.
Medyaya Ewropa zî rayraşîyayîş nêzdî ra teqîb kerd. Rayraşîyayîş de hemkarîya Ewropa ya bi dewleta tirke ameye şermezarkerdene û sloganê sey ''Bijî Serok Apo" ameyî vatene.
Rayraşîyayîşî ra dima 16ê sibate de konferansêk do bêro kerdene û dima raywanî ver bi Kolnî do bikewê rayîrî.
Hîrê baskanê rayraşîyayîşî çalakîya xo de bi hezaran vilawekî vila kerdî, kartpostalî şawitî Îmraliyî û selahîyetdaran de pêvînayîşî kerdî. Raywanan seba beşdarîya çalakîya Kolnî zî veng da.
