Komîteya Dîplomasî ya Ciwanan a Kurdîstanî ver bi Afrîkaya Başûrî dest pê raywanîyêka yew menge kerd.

Endamê heyetî do şorê şaristananê cîya-cîyayan, rêxistinanê demokratîkan de pêvînayîşan bikerê û înan de têkoşînê Afrîkaya Başûrî ser o nîqaşan bikerê. Raywanîye de heyet do felsefeya Rayberê Şarê Kurdî Abdullah Ocalanî û Şorişê Rojawanî bido şinasnayene. Komîte verî rêxistinanê Cape Townî zîyaret bikera û Têgêrayîşê Azadîye yê Kurdîstanî bida şinasnayene.

Komîte Koma Agahî û Cigêrayîşan û Karan a Mîyanneteweyîye (ILRIG) de zî kombîyayîş kerd ke Afrîkaya Başûrî ser o cigêrayîşan kena. Komîte dima hetê Sendîkaya Karkeran a Embazan û Zîretî ya Stevedoringî ra ameye pêşwazîkerdene û rojê bînî pîya plan kerdî.

Serekkomarê verênî yê Afrîkaya Başûrî Nelson Mandelayî 1997 de vatbi: ''Ez parçeyêkê têkoşînê kurdan a. Ez nînan ra yew a.''