Şaristanê Rennesî yê Fransa de serrgêra 44. ya ronîyayîşê PKKyî bi şayîyêke ameye fîrazkerdene. Keye û embazê şerwan Olivier le Clainche (Kendal Breizh) o ke 103e sibata 2018î de Xoverdayîşê Serdemî yê Rojawanî de şehîd bibi, zî tewrê şayîye bîyî.

Hemserekê KONGRA-GELî Remzî Kartalî şayîye de qisey kerd û îfade kerd ke ê do serkêşîya PKKyî xoverdayîşê şarê kurdî bi serkewtişî tacîdar bikerê. Kartalî ard ziwan ke serkewtişê gerîlayan û serkewtişê Şorişê Rojawanî yeno manaya azadîya pêro şaran û venga her kesî da ke vera hêrişanê îşxalî têbigêro.

Şayîye de mojnayîşê sînevîzyonî ra dima Koma Muzîkî ya Lorientî, Koma Avaşîn, Nûarîn, Mîr Perwer û Deza Amed vejîyayî sehne ser. Şayîye de heta şewe govende ameye girewtene û sloganî ameyî vatene.