Komîsyonê  Zîndanan ê Komeleya Heqanê Merdiman (ÎHD)  semedê balantişê serê rewşa tepişteyanê nêweşan her hewte roniştişê Fyî kenê. Çalakîya 467.  rîyê pandemî ra medyaya sosyale de ameye kerdene.

Endamê komîsyonî Merale Nergîs Şahîne ke eşkerayîye daye ard ziwan ke zîndanan de vara cinîyan LGBTİ+ yan binpaykerdişî zafêr bîyî. Şahîne vat goreyê tesbîtanê komeleya ma 61 cinîyê tepiştî nêweşê giran ê.

Rewşa weşîye ya 5 cinîyan ê ke Herêma Marmara de yê wina ameye parekedene:

Fatma Tokmak: Zîndanê Bakirkoyî de ya. Nêwaşa qelbî ya. Xeylêk nêweşîye ci yê bînî estê.

Sureyya Bulut: Zîndanê Bakirkoyî de ya. Sereyê ci de parçeyê şarapnalî esto. Ganî bêro amelîyat kerdene la seba ke rîskê ci zafê amelîyat nêbeno. Yew çimê ci nêvîneno û dejo giran ancena. Eynî wextî de nêwaşa Wernicke Korsakoffî ya.

Gulîstane Abdo:  Zîndanê Gebze de ya. Maneyê ci kist esto. Çaqeyê ci yo çep zanî ra ameyo birnayene û protez şuxulnena.

Hazîne Alçi:  Zîndanê Gebze de ya. Seba ke bi çeke birîndar bîye çaqeyê ci yo raştî de platîn esto. Esteyê qorê ci perçe bîyo, coka serra 2000î ra nata pê protezê zereyî cuya xo dana domnayene.

Mesude Pehlîvan:  Zîndanê Gebze de ya. Nêweşa kanserî ya.

Şahîne 8ê Adare yê heme cinîyan fîraz kerd û veng da ke wa cinîyê neweşî, bitaybetî êyêke rewşa înan xidar a, nêweşê kronîkî, astengdarî, êyê ke dest û lingan ra bîyî û cînîyê wayîr domanan wa cade bêrê verdayene.