'Rewşa Dîdeme Akman bena giran'
Avûkate Seda Şaraldi muwekîla xo Dîdeme Arslan zîyaret kerd û vat rewşa ci bena giran. Akmane 203 rojî yo ke Zîndanê Sîncanî de rojeyê mergî de ya.
Tepişteya sîyasî Dîdeme Akman seba ke Zîndanê Şakranî ra surguna Zîndanê Sîncanî bîye, 203 rojî yo ke rojeyê mergî de ya. Avûkate Seda Şaraldi Nêweşxaneyê Dewlete yê Yeşîlyurtî yê Îzmîrî de Dîdeme zîyaret kerde.
Seda Şaraldi îfade kerd ke rewşa weşîye ya Dîdeme bena giran. Seda Şaraldi da zanayene ke Dîdeme 4 serran ra nata hucreyê muebedî de tepişîyena û da zanayene ke no raşt nîyo.
Seda Şaraldi ard ziwan ke seba ke waştişê Dîdeme bêrê caardene înan xeylêk reyî muracat kerd la waştişnameyê înan ameyî redkerdene. Avûkate waşt muwekîla ci cade bêra veradayene.
