Tepişteyê Zîndanê Îzmîrî Mehmet Salîh Fîlîzo (23) ke kanserê roqila yo, esteyê ey helîyenê û nêweşê tuberkulozî yo zî. Fîlîzî îfade kerd ke rewşa ey a weşîye bena giranêr. Fîlîzî pê rayîrê telefonî keyeyê xo reyde qisey kerd û înan rê vat ke ê do sey tepişteyê nêweşî Sabrî Kaya terkê mergî amekerdene.

Salîh Fîlîzî vat: ''Waştişê min ê veradayîşî ame redkerdene. Sey bahane zî vat 'Dewlete pêro tedbîrî girewtî.' Roje bi roje hîna zêde gonî mi ra şina. Wazenê qesasê Adana Pozantiyî mi ra bigêrê. Dewaya mi hema zî dewam kena. Coka vera nêdîyena. Îdarekarê zîndanî bi israr mi rê vanê ke ê do mi nêberê revîrî. Hetê psîkolojîkî ra wazenê ma çin bikerê. Ez venga wayîrê wijdanan dana ke bibê vengê tepişteyan ê nêweşan ê giranan.''