Înîsîyatîfê Tepişteyanê Nêweşan hewteyê 299. yê çalakîya xo de bi vîdeoyêk eşkerayîye daye.  Bi nameyê înîsîyatîfî hemserekê Komeleya Heqanê Merdiman (ÎHD) yê Şûbeyê Ankara  Fatîh Kanatî qisey kerd.

Kanatî bale ante rewşa Soydan Akayî ser ke Zîndanê Sîlîvre de yeno tepiştene. Ame vatene ke Akayo ke 46 serre yo 27 serrî yo zîdan de yo û xeylêk nêweşîye ci yê giranî estî û heme heqê ey yê bingeyênî yenê binpaykerdene. Kanatî ard ziwan ke Akay hucereyê yewkesan de yeno tepiştene û waşt ke wa înfazê ey peyser bierzîyo û cade bêro verdayene.