Rêxistinanê ciwanan serrgêra 5. ya Qirkerdişê Surucî de rixmê tedaya polîsan zî pê şîarê 'Edalet seba Surucî, Edalet seba herkesî' Kadikoy de zîncîrê edaletî viraşt.

Wekîla HDPyî Dilşade Canbaz Kaya zî tewra çalakîye bîye. Polîsan janê vîrusê Korona kerde bahane û nêverda ke zîncîrê merdiman bêro viraştene.

Meydan de 33 kesê ke hetê cerganê DAÎŞî ra Suruc de ameybî qetilkerdene, pê kayêkê tîyatroyî ameyî yadkerdene. Dima Hemsereka SDGFyî Aleve Ozkîraz îfade kerd ê do têkoşînê edaletî ra fek vera nêdê û seba yadkerdiş û rayraşîyayîşê 20ê temmuze veng da.