Kampanyaya ke semedê azadîya Rayberê Şarê Kurdî Abdullah Ocalanî hetê Koma Xebate ya Kurdan a Afrîkaya Başûre (KHRAG) û Konfederasyonê Sendîkayan ê Afrîkaya Başûre (COSATU) ra ameye destpêkerdene rê paştdayîşî zêdîyene. Xeylêk rêxistinanê Norveçî paştî daye kampanya.

Çarçewa kampanyaya ''Wextê ci yo'' de Sekreterê Pêroyî yê Neteweyanê Yewbîyayeyan Antonio Guterresî rê yeno vengdayene ke wa vera tecrîdî têbigero.

Rêxistinanê Partîya Sûre, Ciwanîya Sûre, Cîyayî Afernayîş û Paştdayîşê Kurdîstanî paştdayîşê xo yê semedê kampanya îlan kerd û qerar girewt ke ê do Guterrsî rê metuban bişawê.

Nê rêxistinan ra eşkerayîya Partîya Sûre (Red Youth)  wina ya:

Têna serbestveradayîşê Ocalanî eşkeno haştîye bîyaro. Abdullah Ocalan yew sîyatmedaro kurd, nuştox û şorişgêro ke hetê bi mîlyonan kurdan ra sey rayberî yeno qebulkerdene.  Semedê çareserkerdişê meseleya kurdî gerek Ocalan bêro verdayene ke muzakereyê haştîye bêrê kerdene.

Ma waştişnameyan îmza ke nê NYyî rê şawenê ke paştî bidê têkoşînê heqanê merdiman ê kurdan. Karê ke semedê Nelson Mendela bîyî gerek semedê Abdulah Ocalanî zî bêrê kerdene. Ma hêvî kenê ke nê xebatî sey Afrîkaya Başûre semedê şarê kurdî zî ferq aferno.

Rêxistinan endamanê xo ra zî waşt ke waştişnameyan wa îmza bikerê, kampanya vila bikerê û bibê leteyêke têkoşînê azadîye yê kurdan.