Çarçewa operasyonanê qirkerdişê sîyasîyî de  destbendkerdiş û tepiştişî dewam kenê. Riha û Îstanbul de hîrê înan domanî  bi desan kesî ameyî tepiştene.

11ê sibate de operasyonê qikerdişê sîyasîyî ke hetê Serdozgerîya Komare ya Riha ra ame reyraberdene merkezê ci Riha Sêrt, Amed, Mêrdîn, Hatay, Osmanîye, Adana, Çorum, Uşak û Îstanbul de sereştişê keyeyan de 10 kesê ke ameybî destbendkerdene ameyî tepiştene.

Kesê ke bi îdîaya endamîya rêxistene ameyî destbendkerdene înan ra nameyê 9 kesan  wîna yê: Mehmet İdikuş, Mehmet Resul Demir, Serhat Kotluk, Kazim Birdal Tufekçi, Kerem Gezer, Kenan Karataş, Semir Oral, Hidir Yildizhan, Diyar Saraç.

Îstanbul de zî 26 kesê ke operasyonê qirkerdişê sîyasîyî ke hetê Serdozgerîya Komare ya Îstanbulî ra  13ê sibate de xeylêk qezayan de ame kerdene de ameyî destbendkerdene vizêr Çaglayan de vejîyayî mehkeme. Mehkeme de 3ê înan domanî 11 kesî ameyî tepiştene 15 kesê bînî serbest ameyî veradayene.

Nameyê 11 kesanê ke ameyî tepiştene wîna yê:  Ayhan Emekçi, Bariş Koçar, Cesur Yilmaz, Erdogan Ozbey, Halîl Îbrahîm Baçaru, Merve Yilmaz, Mûrat Metîn û Ramazan Ozdemîr.

Hetê bînî ra hîrê domanî Îzzet Ozmen, Yakup Genç û Azat Sîyahtaş ke ameyî tepiştene Dezgehê Înfaz Ceza yê Qefilnayeyî yê Doman û Ciwanîye yê Maltepe rê ameyî şawitene.