Tepişte Kasim Karataşî wexto ke kênaya xo Gulîstane Karataş reyde qisey kerd vat îdarê zîndanî waştişanê înan nêano ca. Karataşî îfade kerd ke eke wina dewam bikero zêdêr kesî tewrê grevî do bibê.

Goreyê zanayîşan tepişteyê bi nameyê  Hîdayet Duger, Hidir Demîrtaş, Erkan Bayram, Mehmet Tahîr Ozcan û Rêber Varhan zî do tewrê grevî bibê.

Verê cû zî tepişteyanê bi nameyê  Îlyas Yeşîlçayir, Ahmet Sabaç, Emrullah Oruç, Serhat Bulut û Bahtîyar Aygunî 24 hezîrane de dest pê grevê vêşanîye kerdbi.

Tepişteyî wazenê ke meseleya awe çareser biba, tedawîya tepişteyan wa bêra kerdene, tepişteyê ke cezaya ci qedîyayî, wa vera bidîyê, malzemeyê hîjyenî wa bidîyê tepişteyan, saetê pêvînayîşî wa bêrê rastkerdene, heqê înan ê spor, komel û kargehî wa bêrê dayene.