Riha DEM Partî tarîx nuşt û 7 şaredarîyê qezayan vistî destî. 

Qezaya Curnê Reşî de 1979 ra nata têgêrayîşê azadîye nêeşkayêne ser bikewo. La nê weçînayîşan de DEM Partî zafêrê rayan girewt. Şarî verê şaredarîye de serkewtişê xo bi coşî fîraz kerd.

Qezaya Berecûkî de reya verêne têgêrayîşê azadîye şaredarîye viste destî. Şarî bi konvoyan û bi sloganê “Jin jiyan azadî”  serkewtiş fîraz kerd.

Qezaya Xelfetî de namzedê DEM Partî Mehmet Karayilan û Sanîye Bayram bîyî hemşaredar. 

Qezaya Wêranşarî de Bedrîye Yorgun û Serhat Dîcle Înan bîyî hemşaredarê qeza. Şar nika ra vejîya waran û serkewtişî bi sloganan fîraz keno.

Qezaya Pirsûsî de tradîsyonî dewam kerd û DEM Partî ancî şaredarîye viste destî. Aytene Kaya û Muslum Baran bîyî hemşaredarî.

Qezaya Hewagî de 2019 de AKP ser kewtbi. La narey DEM Partî zafê rayan girewtî. Îsmaîl Yildiz û Aygule Kapikayali bîyî hemşaredarî.

Qezaya Serê Kanîye de namzedanê DEM Partî Ugur Kahraman û Rahşane Yazar bi ferqêkê pîlî rayê şarî girewtî. 2019 de AKP qeza de ser kewtbi.