Qezaya Pirsûsî ya Riha de 14ê hezîrana 2018î de merdiman û pawitoxanê Wekîlê HDPyî Halîl Îbrahîm Yildizî keyeyê Şenyaşarî ra hîrê tenî qetil kerdbî. Emîne Şenyaşar û Ferît Şenyaşar vera nê qirkerdişî 9ê adara 2021î ra nata verê Edlîyeya Riha de Nobeta Edaletî tepişenê. Di rojnamegeranê ke Nobata Edaletî teqîpkerdêne ameyî destbendkerdene.

Roja 727ine ya nobete de muxabîra JinNewsî Gulîstane Dursun û rojnamegêro/a ke nameyê ci nêame musayene, rixmo ke kartê înan ê çapemenîye estbî, bi îdîaya ''kartî sexte yê'' ameyî destbendkerdene.