Rojanê peyênan de xeylêk bajaran de kurdî seba ke deyîranê kurdkî reyde govende girewtbî ameyî destbendkerdene û tepiştene. 

Rêxistina DEM Partî ya Karakopruyî ya Riha no kerdişo faşîzan bi govende protesto kerde. Hemvervatoxa Komîsyonê Huqûqî yê DEM Partî Sevda Çelîk Ozbîngol, Hemserekê DEM Partî yê Riha Bekîr Karakeçîlî û Sema Aîşeoglu û xeylêk kesî beşdarê protestoyî bîyî.

Bekîr Karakeçîlîyî çalakîye de bale ante dişmenîya vera kurdan ser û vat: ''Kesê ke kuçeyan, dawetan, Meclîs, medyaya dîjîtale û her warê komelî de faşîzm organîze kenê komelî ver bi tehlukeyêkî benê. Ma hukmatî hişyar kenê ke  nîjadperestî û nefretê vera kurdan ra fek vera bido. Ma do tim wayîrê erjanê xo, demokrasî û azadîye vejîyê.''

Eşkerayîye bi sloganê 'Teda bi ma nêeşkena' qedîyaye.

Heman eşkerayîye qezayanê Pirsûs, Xelfetî, Curnê Reş, Serêkaniyê, Wêranşar, Hewag û Bêrecûkî yê Riha de zî ameye dayene. Endamanê DEM Partî û hemwelatîyan eşkerayîyan ra dima pîya govende girewte.