Serhat Temizer 6ê teşrîna peyêne ya 2017î de ame destbendkerdene û dima ra ame tepiştene. Temizer 7ê teşrîna peyêne ya 2019î de ame tehlîkyerdene û 6ê adara 2021î de reyna ame tepiştene.

Vizêr roniştişê qerarî yê Temizerî ame kerdene. Nêweşê epilepsî Temizer vizêr Zîndanê Dumlu yê Erziromî ra semedê roniştişî ame ardene Colemêrg. Mehkeme cezaya 4 serran û 3 mengan da ci û seba ke xeylêk zîndan de mendo eynî wextî de qerarê tehlîye girewt

Temizer semedê muameleyê tehlîyekerdişî reyna ame berdene Erzirom. Seba ke bi tarî Temizer şewe ame berdene Zîndanê Qefilnayeyî yê Wanî. Wextêk dima ra xebere dîyaye keyeyî, ame îdîakerdene ke lajê înan bîyo nêweş û wedarîyayo nêweşxaneyî. Cade dima ra zî xebere mergê Temizerî ameye.

Cenazaya Temizerî semedê otopsî wedarîyaye Dezgehê Tipê Edlîyî yê Wanî. Cenazaya Temizerî do Colemêrg de bêra definkerdene.