''Rojbîyayîşê to fîraz bo Apê Musa''

Çarçewa aktîvîteyanê yadkerdiş û daşinasnayîşê roşnvîrê kurdî Musa Anterî de vîdeoyêk ame amadekerdene. Vîdeo de xeylêk kesan 100 serrîya Musa Anterî fîraz kerde.

Aktîvîteyê rojbîyayîşê 100. yê Musa Anterî (Apê Musa) rîyê vîrusê Korona ra ameybî taloqkerdene. Akktîvîteyê yadkerdiş û daşinasnayîşê roşnvîrê kurdî Musa Anterî temamîya serre de do dewam bikerê. 

Xeylêk roşnvîr, nuştox, hunermend, rojnameger û sîyasetmedaran pê vatişê ''Rojbîyayîşê to fîraz bo Apê Musa'' rojbîyayîşê Musa Anterî fîraz kerd.  Vîdeo ke  platformanê dîjîtalan de ame vilakerdene.

Lajê Musa Anterî Dîcle Anterî derheqê aktîvîtayan de tay zanayîşî dayî. Eşkerayîye de kitabê Anterî ''Hatiralarim'' ra beşêk ame dayene ke Musa Anterî qala xo keno. Beş wina yo: ''Musa Anter rixmo ke zafêrê emrê xo surgun de, zîndan de, îşkence de û pê dejan derbaz kerd tim rîyê ey huyayêne, cuya ra hes kerd û ci rê hûrmet kerd. O hende çêr bi ke Suleyman Demîrel seba duello dawetê Koyê Cûdîyî kerd. Sey vatişê Canîp Yildirimî o pê qelema xo vera dewleta tewr zalim û bêrehme ya dinya ser kewt.''

Dîcle Anterî pare kerd ke serra 2020î sey 'Serra Musa Anterî' do bêra fîrazkerdene û pê kuratorîya M. Wenda Koyuncu pê tay aktîvîteyan Apê Musa do bêro yadkerdene.