Rojnamegere Şahîne rê cezaya zîndanî ya 15 serran ameye waştene
Derheqê rojnamegere Hatîce Şahîn de cezaya zîndanî ya 15 serran ameye waştene.
Çarçewa tehqîqatê vera KCDyî de bi îdîaya 'endamîya rêxistine' derheqê rojnamegere Hatîce Şahîn de dewa amebî akerdene. Roniştişê dewa Mehkemeya Cezaya Girane ya Amedî de ame kerdene. Têna avûkatê Şahînî Resul Tamur tewrê roniştişî bi.
Dozgerî waşt ke cezaya zîndanî ya 7 serran ra heta 15 serran bêra dayene Şahîne û şertê kontrolê edlîyî dewam bikero.
Mehkeme bire daye ke şertê kontrolê edlîyî dewam bikero û roniştiş taloqê 19ê êlule kerd.
