25ê teşrîna verêne de 11 rojnamegerê kurdî ameybî destbendkerdene. Rojnamegerê ke Mudirîya Polîsan a Anqara de nezaret de yê, dima ke qedexeyê pêvînayîşê bi avûkatan qedîya  înan zî avûkatê xo dîyî. Muxabîra MA Denîze Nazlîm, Mehmet Gunhan û Oznure Deger bi rayîranê avûkatanê xo mesaj şawit.

Denîze Nazlim vat: ''Ma raştîye de israr kenê û rûmetê ney zanenê. Kamca de beno wa bibo dîyayîşê raştîye û resnayîşê ci erkê ma rojnamegeran o. Ma serê erkê xo de yê, ma do abigêrê.''

Mehmet Gunhanî vat: ''Wexto ke ez Ajansê Mezopotamya de xebitîya mi dî ke eşkerakerdişê raştîyan çend zehmet o. Ma ewro venga şarê xo danê ke vera kerdişanê serê çapemenîya azade bibê çim, goş û qelema ajansê Mezopotamya. Ma do pîya tarîtîye biqilaşnê''

Muxabîra JINNEWSî Oznure Deger vat: ''Ma teqîbkerdoxê tradîsyonê çapemenîya azadîye yê ke hetê Musa Anter û Gurbetellîye Ersoz ra ameyo afernayene. Tepiştişê 16 embazanê xo ra dima zî ma çok nêşîyê erdî ro û do nêşorê. Ma bihêz ê, xurt ê. Ma do tim xîret bikerê ke vengê ke hedefê birnayîşî de yê bidê eşnawitene.''