9 rojnameger û muxabîrê Ajansê Mezopotamya û JINNEWSî 29ê teşrîna verêne de bi îdîaya 'endamîya rêxistine' tepişîyabî û erşawîyabî Zîndanê Sîncanî.

Nînan ra Mudira Karanê Nuşteyan a MA Dîrene Yurtsever, muxabîre Bêrîvane Altan û Ceylane Şahînlî, muxabîrê JINNEWSî Habîbe Eren û Oznure Deger Zîndanê Cinîyan ê Girewteyî yê Sîncanî de tepişîyenê.

Muxabîrê MA Denîz Nazlim, Emrullah Acar, Selman Guzelyuz û Hakan Yalçin zî Zîndanê Asayîşê Berzî yê Sîncanî de tepişîyenê.

Dîya zanayene ke rojnamegerî hucreyê yewkesî ameyî cakerdene.