Embazanê ci yê karî da zanayene ke rojnameger Huseyîn Narli (Okkeş Unlubayir) şîyo heqîya xo. Narliyo ke sosyalîstanê rayberan ra yew o ronayoxanê TV10 û CAN TVyî ra zî yew o.

Embazê Narliyî yê karî Şîyar Munzurî vat: ''Kek Huseyîn şi heqîya xo. O rayberanê têkoşînê şorişgêrî ra yew o. Ma 30 serrî pîya xebitîyayî. O ronayoxanê CAN TV û TV10 ra yew bi.''

CAN TVyî zî hesabê xo yê medyaya dîjîtale ra xebere pare kerde.

Embazê Narliyî û nuştoxê Yeni Ozgur Politika Suat Bozkuşî vat: ''Embazê min ê mektebî û hemrayê mi, birayê mi Okkeş Unlubayir (Huseyîn Narli) şîyo heqîya xo. Dejê ma giran o.''