Endamanê Komeleya Rojnamegeranê Cinîyan a Mezopotamya (MKG û Komeleya Rojnamegeran a Dicle Firatî ( DFG) mezelê rojnamegere Gulîstane Tara ya ke Silêmanî de  pîya bi embaza xo Hêro Bahadînî bi droneyê dewleta tirke ameye qetilkerdene, zîyaret kerd.

Rojnamegere Kibriye Evrene serê mezelê Gulîstane Tara de qisey kerd. Everene vat: ''Çireyn vengê Çapemenîya Azade nêame birnayene, ewro ra tepişya zî do mero birnayene. Senî ke ma tarîx de heqîqet bi gonîya xo nuşt, ewro zî eke hewce bikero ma do reyna bi gonîya xo heqîqetî binusê. Ma soz danê şehîdanê xo, ma do tim heqîqetî binusê.''