Rojnameyê Expressenî yê Swêdî pare kerd ke ganî alozîya mabênê Azerbaycan û Armenîstanî bi rayîrê dîplomatîkî çareser biba. Rojnameyî da zanayene ke Erdogan cîhadîstan erşaweno herêma şerî.

Rojnameyî îfade kerd ke ziwanê nefretî yê Erdoganî armenîyan qerqilneno ke serra 1915î de maruzê qirkerdişî bîyî.

Maqaleya rojnameyî de ame vatene ke rojdemê îslamî yê Erdoganî maneno ê cerganê DAÎŞî. Rojnameyî wina dewam kerd: ''Erdogan vera asayîş û cuya ma gefêko pîl o. Erdogan wayîrê artêşa tewr xurte ya NATOyî yo û Iraq, Sûriye, Lîbya, Azerbaycan, Somalî û Vakurê Kibrisî de baregehê ci estê. Erdogan seba ke vera kurd, armenî û sûryanan şer bikerê meaş dano cîhadîstan. Erdogan Lîbya de zî vera laîkan şer keno. Erdogan peymananê mîyanneteweyîyan binpay keno û bi keştîyan çekan erşaweno Lîbya.''

Rojname û nuştox Kurdo Baksîyî nuşteyê xo de venga komelê mîyanneteweyîyî da ke Erdogan vindarno.