Endam û ronayoxê Komeleya Hetkarî û Paştdayîşî ya Dîndaran (DÎAYDER)  Mala Yusuf Înalî derheqê teda û polîtîkayanê vera komeleya înan de Ajansê Mezopotamya rê qisey kerd. 

Înalî da zanayene ke verî komeleya înan amebî girewtene û înan DÎAYDER akerde. Înalî îfade kerd ke dewlete înan rê yew ziwan û yew mezheb ferz kena û înan seba ke na hişmendîye bişiknê DÎAYDER ronayo. 

Înalî vat: ''Bi bahaneya tewrbîyayîşê tazîyeyan ma rê dewa yena akerdene. La no wezîfeyê ma yo dînî yo. Îdîaname vano ke ma KCK ra talîmatî girewtê. Ma çewî ra talîmatam nêgênê. Ma goreyê quran, sunet û aqilê selîmî têgêrenê. Ma ewnîyenê hukmanê Quranî ra. Ê dewlete sey homayî vînenê ke no şîrk o. Seba ke ma goreyê hukmanê Quranî têgêrenê ê ma muhakeme kenê. Eke ma neheq bibîyêne ma no qebul kerdêne la wina nîyo. 

Na dewa de çekuyê ma yê kurdkî zî sey sûcî hesibîyayê. Ê zanenê ke şarê kurdî û kulturê kurdan înan ra hîna qedîm ê. Coka wina barbarîye kenê. Se kenê wa bikerê ê do nêeşkê nê şarî qir bierê. Vanê nê çekuyî çekuyê PKKyî yê. Na bahane ya. Ê ma rê vanê ne bi ruhê xo ne zî bi aqilê xo 'mebê kurd.'  Nika vera komeleya ma dewaya qefilnayîşî esta. Tirkîya de xora qanûnê çolî estê, huqûq çin o. Na dewaya qefilnayîşî ne huqûqî ya ne zî exlaqî ya.''

Înalî venga pêro kurdani tirkan û şaranê dinya da û pare kerd ke înan yew pelê dare zî tira nêkerdo la bi hawayêkê neheqî vera înan dewa ameya akerdene. Înalî vat: ''Eke birayê mi zî zulm bikero ez vera ci wurzena we. Ma dewaya heq, edalet, haştîye, têdûştîye û yewîye kenê. Eke ê komeleya ma biqefilnê ma do komeleyêka newîye abikerê.''