Serekê Komeleya Paştdayîş û Hetkarîye yê Alîmanê Dînî (DÎAYDER) Ekrem Baran zî tede 9 endam û îdarekaranê komele rê dewa amebî akerdene.

Roniştişê 27ê kanûne de bire amebî dayene ke derheqê tehqîqatanê vera komele de muzakere bêro kerdene. 

Goreyê xebera Ajansê Mezopotamya (MA) Mufetîşê Mulkîye yê Wezîrîya Karanê Zereyî cewabê xo yê 16ê sibate de vat ke DÎAYDERî duştê tuzukê xo têgêrayo. Naye ser o Serdozgerîya Komare ya Îstanbulî zî heman çi îdîa kerd û dewaname erşawîya Mehkemeya Huqûqê Eslî ya Bakirkoyî.

Dewaname de seba ke endamanê DÎAYDERî nuşteyanê xo de waşt ke operasyonê îşxalî yê Tirkîya vinderê nê îfadeyî sey sûcî ameyî dîyene.

Dozgerî waşt ke DÎAYDER bêro qefilnayene.