Wezaretê Karanê Zereyî yê Tirkîya 19ê tebaxa 2019î de Şaredarîyanê Amed, Mêrdîn û Wanî rê qeyûmî tayîn kerdbî û 20ê tebaxe de Mêrdîn de qeyûm amebi protestokerdene. Polîsan hêrişê çalakîye kerdbi û 5ê ci rojnamegerî 8 kesî tepiştbî. Ronîştişê dewaya 8 kesan Mehkemeya Cezaya Aslî ya Mêrdîne de ame kerdene.

Rojnamegerî Ahmet Kanbal, Mehmet Şah Orûç, Rojda Aydin, Nurcane Yalçin û Halîme Parlak û kesê bînî Mehmet Ete, Hamza Ete û Selîm Şimdî bi îdîaya 'muxalafetê vera qanûnê 2911.' yenê muhakemekerdene. Têna Kanbal û Şîmdî tewrê roniştişî bîyî.

Şîmdîyî roniştiş de dîmenê hêrişê polîsan pêşkêşê mehkeme kerdî. Avûkatan waşt ke muwekîlê înan bêrê veradayene.

Mehkeme semedo ke dozgero newe mutalaya xo amade bikero roniştiş taloqê 20ê teşrîna verêne kerd.