Partî û dezgehanê kurdan mesajê Roşanê Remezanî pare kerdî. Mesajî wina yê:

Hemserekê Pêroyî yê HDPyî Pervîne Buldan û Mîthat Sancar: ''Ma pê wesîleya Roşanê Remezanî sere de alemê Îslamî rê pêro dinya rê haştîye wazenê. Ma wazenê ke her kes prosesê vîrusê Korona ra weş bivejîyê. Ma pê hêvîya pîlkerdişê têkoşînî Roşanê Remezanî yê pêro şaranê ma fîraz kenê.''

Hemvervatoxa Kongreya Îslamê Demokratîkî Huda Kaya: ''Wexto ke welat û dinya de pêro şarî biresê azadîye, haştîye û edalet roşanê raştikênî do bêrê caardene. Wa Roşanê Remezanî bibo wesîleya xoverdayîş û ganîbîyayîşê musluman û merdimîye. Roşanê şima fîraz bo.''

Meclîsê Bawerîyan û Şaran ê Kongreya Demokratîke ya Şaran: '' Bi hêvîya ke ma ê rojanê roşanan bivîne ke tede azadîye, pirrengî, têdûştî estê. Ma pê bawer ê ke ma do pîya haştîye bîyarê nê welatî. Ma Roşanê Remezanî yê alemê Îslamî zerrî ra fîraz kenê.

Koordînasyonê Kongreya Starî: ''Emser rîyê vîrusê Korona ra Roşanê Remezanî mîyanê şertan ê tengan de yeno fîrazkerdene. Hetê bînî ra koçberan reyde ke îşxalê dewleta tirke de neçare mendî ke koç bikerê paştî ame dayene. Roşanê Remezanî pêro dinya de bibo wesîleya xeyr û haştîye.''