Vengdayîşê roşinvîran keyepela înternetî ya televîzyonê dewlete yê Swêdî de ame weşanayene. Roşinvîran bi vengdayîş bale ante ser ke Tirkîya de heqê merdimahîye bi eşkera yenê îxlalkerdene. Reyna bale ancîye tecrîde ser Ocalanî û ame waştene ke wa tecrîd bêro wedaritene û talebê grevê vêşanîye bêrê ca.

Roşinvîran derheqê weşîya Leyla Guvene de qisawetê xo ardî ziwan û waşt ke wa Wezîra Karanê Teberî ya Swêdî Wallstrome na rewşe  ver bêveng memano û hemmesleganê xo yê Yewîya Ewropa de bikewo dewre û seba çareserkerdişê na rewşe wezîfe bigîro.

Grûba roşinvîran de sey resam Lenart Asp, nuştox-rojnamegêr Kurdo  Baksî, însîyatîfê Aştîye yê Cinîyan ra Latîfe Fegan, hunermende Stîna Holmberge, tîyatrowane Serpîl Înançe, Kemal Gorgu, derhêner Katînka Kassîûs, doktore Tahîre Koçturke, sîyasetmedaro Asûrî-Sûryanî Yaşar Kuçukaslan, psîkologe Vanessa Înglessîye, Hetkara Şaredarîya Stockholmî ya verêne Ann-Margarethe Lîvhe û rojnameger-nuştoz Ragip Zarakogluyî xeylî kesî ameyî têhet û îmza eşte vengdayîşî.