Şaristanê Krasnodarî yê Rûsya û şaristanê Osloyî yê Norweçî de hêrişê îşxalî yê dewleta tirke yê vera Herêmanê Pawitişî yê Medya ameyî şermezarkerdene.

Kurdanê Krasnodarî pê eşkerayîyêke hêrişî şermezar kerdî. Eşkerayîye de ame vatene ke dewleta tirke 40 serrî yo hêrişê Kurdîstanî kena û Rayberê Şarê Kurdî Abdullah Ocalanî tecrîd kena. Eşkerayîye de dîya zanayene ke nê hêrişî têna vera PKKyî nê vera pêro kurdan ê.

Oslo de zî NCDK Oslo û UNG-KURDî pê beşdarîya xeylêk rêxistinanê Norweçî çalakîyêke kerde. Serekê Sendîkaya LOyî ya ke 930 hezar endamê ci estê, Ingunnn Gjerstadî çalakîye de qisey kerd û hêrişî şermezar kerdî.

Ingunnn Gjerstadî dewaya qefilnayîşê HDPyî, wedaritişê Peymana Îstanbulî, qeyûmî vist vîrî û vat: ''Na rewşe zaf xirab a.'' Qiseykerdişanê bînan de zî venga hukmatê Norweçî ame dayene ke vera hêrişan tewirê xo bimojno.