Goreyê eşkerayîya Dewletê Yewbîyayeyî yê Amerîka, metno hempar ê Konseya Asayîşî ya Neteweyê Yewbîyayeyî rîyê astengîya Rûsya ra nêame eşkerakerdene.

Vernîyazo ke temsîlkarê 14 welatanê bînan ê endamê Konseya Asayîşî ya Neteweyê Yewbîyayeyî rê ame parbekerdene, qesawetê asayîşî û merdimîye yê rîyê hêrişanê îşxalkarîye ra ameyî vîrvistene. Vernîyaz de ameyêne mojnayene ke hêrişê îşxalkarîye yê dewleta Tirkî destkewteyê ke heta nika verba çeteyanê DAÎŞ'î ameyî girewtene bifinê rewşêka bitehlûke. Vernîyaz de seba tehdîtê 'açarnayîşê multecîyan'ê Erdoganî verba tewiro pêroyî yê mîyanneteweyî seba xapînayîşê yeno xebitneno, ame vatene, 'Açarnayîş ganî bi hewayêkê asayîşênî, bi waştiş û goreyê huqûqî yê mîyanneteweyî bibe'.

Eşkerayîya hempare de ke Rûsya verê ci de bîya asteng, yena vatena ke goreyê eşkerayîya DYA ya çend roje verêne tayê vatişî ameyî vurnayene. Eşkerayîya Pancşemeyî ya DYA de seba wedaritişê hêrişan çîyêk nêame vatene. Labelê vernîyazo peyên de vengdayîşê wedaritişê hêrişan yeno kerdene. Vatişê 'meşrûyî' yo verêne nika seba 'gumanê asayîşî'yê Tirkîya ameyêne xebitnayene vernîyazo na reyên de çinebi.

Seba ke eşkerayîya hempare bêra weşankerdene ganî 5 endamê daîmîyî Rûsya, Fransa, Çîn, DYA û Brîtanyaya Pîle ra ber 10 endamê demdemî zî tasdîq bikê.