Bajarê Saarbruckenî yê Almanya de bi desan kurdîstanijê ke ameyî têhet sîstemê tecrîd, îşkence û qirkerdişî yo ke vera Rayberê Şarê Kurdî Abdullah Ocalanî yeno caardene, bi mîtîngêkî protesto kerd.

Mîtîng hetê Meclîsê Şarê Kurdî yê Saarbruckenî ra ame organîzekerdene û verê Europa Galerie ame kerdene. Çalakîye de ame waştene ke Abdullah Ocalano ke 25 serrî yo binê tecrîdî de yo û bi qeraranê keyfîyan heqê ci yenê binpaykerdene wa cade serbest bêro veradayene.

Kurdîstanijan waşt wa CPT û Konseya Ewropa berpirsîyarîyanê xo bîyarî ca û bi slogananê “Bijî Serok Apo”, “Bê Serok Jiyan Nabe” gîrayî.