Sabrî Kaya binê ablûqaya polîsan de ame definkerdene
Sabrî Kayayo ke rixmê nêweşîyaya ci ya girane zîndanî ra nêame veradayene û hetê îqtîdarî ra bizanayîş mergî rê ame caverdayene binê ablûqaya polîsan de ame definkerdene.
Sabrî Kaya sey xeylêk nêweşanê bînan zîndan de mergî rê ame caverdayene û 20 gulane de roja ke qerarê tehlîyeya ci ame dayene cuya xo vînî kerde.
Badê otopsî canazaya Kayayî hetê keyeyê ci ara ameye girewtene û ameye berdene Ceyhan. Cenaza semedê xatiwaştişî ameye berdene keyeyê ci û helelîye ameye waştene. Cenaza binê ablûqaya polîsan de ameye berdenê Goristanê Asrî yê Ceyhanî û wecîbeyê ci yê dînî ameyî caardene.
Hela definkerdişî de polîsan bi behaneyê vîrusê Korona destûr nêda merdimê ci tewrê merasîmî bibê. Keyeyê Kayayî vera naye vejîya. Dima ra cenaza binê ablûqaya polîsan de ameye definkerdene.
