Saka seba protestokerdişê hukmê almanan grevê vêşanîye de yo
Sîyasetmedaro kurd Kadrî Sakayo ke Hamburg de tepişte yo, vera nêzdîbîyayîşê sîyasîyî yê hukmê Almanya grevê vêşanîye keno.
Sîyasetmedaro kurd Kadrî Sakayo ke 16ê çeleyî de Bremen de amebi destbendkerdene û bê muhakemekerdişî tepişîyabi grevê vêşanîye de yo.
Avûkatê ey Îsmaîl Cengîzî pare kerd ke Sakayo ke Bremen de 10 serrî yo heman adresî de maneno bi îdîaya 'beno ke biremo' tepişîyayo. Cengîzî da zanayene ke Sakayî vera nê nêzdîbîyayîşê serê kurdan dest pê grevê vêşanîye kerdo û teyna awe weno.
Sakayo ke Şirnexî ra yo, 1991 de tedayanê dewleta tirke ra îltîcaya Almanya kerdbî. Saka verê cû zî raştê tacîzanê polîsanê almanan amebi û 2022 de zî amebi destbendkerdene.
