Wekîla DEM Partî Salîha Aydenîz û avûkat Cengizhan Karaşînî  Zîndanê Qefilnayeyî yê Tipê Syî yê Bodrumî yê Mugla  de tepişteyî zîyaret kerdî.  

Aydenîze û Karaşînî Abdurrahman Yildirim, Mehmetcan Oguzsoy û Kutbettin Menteş reyde pêvînayîş kerd û problemê înan goştarî kerdî. Pêvînayîş de ame vatene ke tepişteyêko edlî bi şîdetî dinyaya xo bedilnaye û naye ser o xeylêk gardîyanî karî ra ameyî girewtene.

Badê pêvînayîşî verê zîndanî de eşkerayîye ameye dayene. Salîha Aydenîze bale ante zextanê zîndanan ser û vat: ''Sey heme zîndanan, Zîndanê Bodrumî de zî binpaykerdişê heqan est ê. Pêro tepişteyê ke tîya de keyeyanê xo ra dûrî de yê ke no binpaykerdişê heqî yo tewr pîl o. Reyna hucreyan de têna manenê. Wextê hewagirewtişî û aktîvîteyan kilm o. Zîndanan de goreyê teberî deslab zext est o. Coka ma tîya ra veng danê wezîrîyanê edalet û karanê zereyî, Dezgehê Cezaya Înfazî: Wa zîndanê mabê keyeyê îşkence û mergî. Tîya tepişteyê nêweşî Kubettin Menteş, Gurbuz Topçu û çend nêweşê bînî est ê. Ma Dezgehê Tibê Edlî ra pawenê ke wa raporê bêhetî bido înan. Ma do teber de têkoşînê xo bidomnê. Ma dezgehanê eleqedaran ra zî pawenê ke wa wezîfeyê xo bîyarî ca.''