Dewaya Kobanê ya ke îqtîdarî vera HDPyî akerdbi, ewro dest pêkena.

28ê ci zîndan de yê 108 kesî dewa de yenê muhakemekerdene. Hemserekê Pêroyî yê HDPyî, wekîlî, îdarekarî, avûkatî, dezgehê komelê sivîlî, temsîlkarê partîyan ê sîyasîyan û rêxistinan û teberî ra tay heyetî dewa teqîb kenê.

Roniştişê peyêne yê dewaya Kobanê ra verî Hemserekanê Pêroyîyan ê HDPyî MÎthat Sancarî û Pervîne Buldan verê mehkemeya Sîncanî de eşkerayîye daye.

Polîsan seba astengkerdişê eşkerayîye anons kerd û destûr nêda ke çapemenîye dewa teqîb bikera.

Sancarî vat: ''Dewaya Kobanê nika dest pêkena. Ma waşt verî eşkerayîyêke bidê la seke şima zî vînenê verê ma de dêsî ronayî. No zî eşkera keno ke ê raştîye ra tersenê. Înan vatêne qey ma na dewa de çin bibê la ma do bimojnê înan ke şaş ê. Na dewayêka sîyasî ya. Wazenê cigêrayîşê haştîye, hesreta azadîye û hêvîya demokrasî werte ra wedarê. Ma do seba azadîye, demokrasî û raştîye xo ver bidê.

Heman wextî de na dewa qesas o. Îqtîdarî binkewtişê DAÎŞî qebul nêkerdo û na dewa hêrsê ney o. Ma do pîya ney pûç bikerê û têkoşînê demokrasî geşêr bikerê. Ma do hesabê îqtîdarî xera bikerê û nê welatî otorîte ra bixelisnê. Nê salonan ra pêro Tirkîya rê cesaret do vila bibo. Ma do nika derbazê teqîbkerdişê dewa bibê.''