Gerîlayanê HPGyî bi wesîleya Komployê 9ê Teşrîna Verêne ya 1998î yê vera Rayberê Şarê Kurdî Abdullah Ocalanî ANFyî rê qisey kerd.

Gerîlayê HPGyî Dîyar Mardînî vat: ''Ganî hêz û dewletê komplogerî hol bizanê ke hertim fedayîyê ke seba Rayber Apoyî ganê xo bidê est bê. Fedayîyê Rayber Apoyî do nêverdê ke komployî biresê armancê xo. Ewro zî xeta fedayîtîye Herêmanê Pawitişî yê Medya de dewam kena. Ma teyna girêdayeyê îdeolojîya Rayber Apoyî yê. Ma do komployî pûç bikerê û azadîya Rayber Apoyî bîyarê ca. Ma do qetî îdeolojîya Rayber Apoyî ra fek vera nêdê. Se beno wa bibo ma do îdeolojîya Rayber Apoyî bîyarê ca.''

Gerîlayê HPGyî Metîn Garzanî vat: ''Komplo şexsê Rayber Apoyî de vera şarê kurdî ame kerdene. Çunke Rayber Apoyî seba estbîyayîşê kurdan têkoşîn kerdêne. Ewro koyan de bi taybetî Zap, Behdînan, Avaşîn û Metîna de seba azadîya Rayber Apoyî têkoşînêko bêhempa yeno kerdene. Gerîlayî bi hêzê xoverdayîş û îdeolojîya Rayber Apoyî pêro hêrişanê dişmenî şiknenê. Sey gerîlayanê HPGyî ma do heta çilka gonîya xo ya peyêne seba azadîya Rayberîye têkoşîn bikerê.''

Gerîlayê HPGyî Rêzan Amedî vat: ''Xêrê felsefeya Rayber Apoyî ra kurdî ewro payan ser de yê. Hêzanê serdestan armanc kerd ke pê komployê vera Rayberîye plananê xo yê serê Rojhelatê Mîyanênî bîyarê ca. Komployê esîrkerdişê Rayberîye ra nata têkoşînê şarê kurdî û gerîlayan bêmabên dewam keno. Rayber Apo zî Îmrali de xo ver dano. Şarê kurdî qetî hêvîya xo ra fek vera nêdano ke na hêvî netîceya keda Rayber Apoyî ya.''