Seba Şaredarê Esenyurtî Ahmet Ozero ke tepişîyabi û herinda ci de qeyûm amebi tayînkerdene, muracatê Mehkemeya Qanûnê Bingeyîyî (MQB) do bêro kerdene. Muracat do derheqê erkîragirewtiş û tepiştişî de bêro kerdene.

Avûkatê Ozerî Prof. Dr. Hasan Sinarî verê edlîye de eşkerayîye daye û vist vîrî ke Ozer bi bahane û zûran tepişîyayo. Sinarî ard ziwan ke înan îtîrazê xo kerdî û muracatan ra dima rayîrê prosesê MQByî înan rê abîyo. Sinarî vat: ''Heta peynîya aşme ma do muracatê MQByî bikerê.''