Rixmo ke Mehkemeya Heqanê Merdiman a Ewropa (MHME) derheqê ci de bira veradayîşî daye Selahattîn Demîrtaş hema zî zîndan de tepişîyeno. Seba veradayîşê Hemserekê verênî yê HDPyî Selahattîn Demîrtaşî wekîlanê Ewropa dest pê kampanyayêke kerd.

Wekîla Yewîya Ewropa Evîne Încîr rayberîya kampanya kena.

Încîre ANFyî rê qisey kerd û pare kerd ke tepişîyayîşê Demîrtaşî birêka sîyasî ya.

Evîne Încîr vat: ''Semedo ke Tirkîya bira MHMKE nêana ca menga çeleyî de ma vernîyazêk pêşkêşê Parlamentoya Ewropa kerd. 705 parlamenteran ra 590 parlamenteran vernîyaz qebul kerd. Beşêkê kampanya hetê parlamenteranê endamanê Konseya Ewropa ra dîya destpêkerdene. Ma çarçewa kampanya de îmzayî arê dayî û pêşkêşê Konseya Wezîran a Yewîya Ewropa kerdî. 10ê adare de parlamento de babeta veradayîşî do bêra ercnayene.''