16ê teşrîna peyêne de çarçewa safhaya diyîne ya Hemleya 'Abdullah Ocalanî rê Azadîye, Meseleya Kurdan rê Çareserîye' de Koln de rayraşîyayîş û mîtîng do bêrê kerdene. Malayanê Komelê Îslamî yê Kurdîstanî (CÎK) seba beşdarîya çalakîyanê Kolnî veng da.

Mele Dawid Sefanî: Îşxalkerî her roje hîna bêperwa benê ke destsernayîşê şaredarîyanê ma nimûneya ney a peyên a. Rayberê ma 26 serrî yo yeno esîrkerdene. Seba wayîrvejîyayîşê şarê xo û Rayberê xo ma Koln de kom bibê. 

Mele Salih Botî: Seba Rayberîye û pêro tepişteyan ganî ma îradeyê xo bimojnê. Ma warê mîtîngî yê Kolnî bivurnê warê haştî, azadîye û îradeyî. Ma do Koln de kom bibê û tewirê xo bimojnê.

Mele Kasim: Ma venga pêro şarê xo danê ke seba azadîya Rayber Apoyî ma beşdarê rayraşîyayîş û mîtîngê Kolnî bibê. No hem erkê ma yo dînî hem zî wijdanî yo. Heta rayraşîyayîşî ma bixebitê, seferber bibê.

Mele Cemal: Ayetê Homayî vano 'Hetê zaliman de mevinderê ke adirê ci nêkewo şima zî.' Ma vera zulmî wurzê we. 16ê teşrîna peyêne roja têkoşînî, xîrey û namûsî ya. Seba pawitişê rûmetê şarê xo, azadîya Rayberê xo şarê ma wa verê xo bido Kolnî.

Mele Zahir: Rayberê ma 26 serrî yo binê tecrîdî de yo. Welatê ma parçekerde yo. Lîdetê ma yê sey Qazî Mûhammed, Seyîd Riza û Şêx Seîdî ameyî dardekerdene. Seba ke têkoşînê azadîye ser bikewo, Rayberê ma û şarê ma azad bibo ma do Koln de bibê.